قصه مؤثره

موضوع: قصه مؤثره الإثنين ديسمبر 24, 2012 6:30 pm

السلام عليكم ورحمة الله وبركاته

انا طبعا مش زهرة زيكم في عمركم

انا عديت المرحلة ديه من زمان

بس ما جتش هنا شوق للماضي والله

انا بس حبيت انصح الزهرات الحلوين واحكي لهم قصة صغيرة

بالله عليكم متنسوش الردود الموضوع علشان يثبت وكل واحدة هتقيم هيبقى في ميزان حسناتها

والادارة : ارجوكم ما تنقلوش الموضوع في مكان تاني لاني عاوزة اخاطب السن ده

طبعا كل اللي في سنكم بيتلهفو على الفيديو كليب والاغاني الجديدة ومتابعين اليو تيوب وكل جديد فيه

وبشوف بنات كتييييييير في الشوارع حتى الموبايلات شغالة الله ينور ونازل عليها احدث حاجة

طيب

انتي ناسية ان كل ده حرام

بالله عليكي حلفتك بالله استني اوعي تقفلي الموضوع وتروحي موضوع تاني

استني بس اوعي تقومي وتقولي اه بقه دي هتشغلنا اسطوانة الحلال والحرام

انا خايفة عليكي وهحكي لك حكاية حصلت فعلا

انا مش قصدي اخوفك

انا بديكي عبرة تعتبري بيها

القصة حصلت مع واحدة اتبرعت انها تكسب ثواب ولما كان اي واحدة تتوفي كانت بتروح تجهزها (تغسلها يعني)

الست ديه اتصل بيها شيخ كبير معروف تروح العنوان الفلاني تغسل بنت متوفيه

الست راحت العنوان فعلا دخلت البيت وقابلت اصحابه ودخلوها غرفة المتوفية

واذ بالمغسلة اغم عليها

ولما فاقت اتصلت بالشيخ في فزع شديد وقالت له الحقني

سألها عن سبب فزعها

قالت له دخلت على المتوفية لاقيتها بنت في سن الشباب ايد واحدة من ايديها مرفوعة و رجليها متنية وجسمها

مايل مش مفرود مستقيم .شكلها مرعب وبشع اعمل ايه ؟

قال لها

اسألي اهلها عن حالها كان ازاي في الدنيا

الست اخدت ام البنت ودخلت مكان لوحدهم وسألتها

بكت الام بكاء شديد وقالت ياما نصحتها يا حبيبتي يا بنتي

وبدأت تحكي وتقول

بنتي كانت مجنونة اغاني وكانت بتشتري كل شرايط الكاسيت اللي تنزل جديدة وتقفل الباب عليهاوتنزل رقص

ومهما كنت انصحها ما كانتش بتسمع مني اي نصيحة

وقبل ما تموت دخلت قوضتها وشغلت الكاسيت وقعدت ترقص

كعادتها

وانا في المطبخ سمعتها صرخت صرخة مفزعه طلعت اجري عليها

لقيتها على الارض ميتة وجسمها في وضع الرقص زي ماشوفتيها

كدة حاولنا نفرد جسمها وننزل ايديها ما قدرناش كل جسمها هيتكسر

لو حاولنا نعدله وكأن ربنا عاوز يقول لها انا هجيبك يوم القيامة وانتي

كدة علشان اقيم عليكي حجتي وانهارت الام من كتر البكاء

فخرجت المغسلة واتصلت بالشيخ واخبرته بكل اللي قالته لها الام

وقال لها حاولي تعدلي جسمها علشان تقدري تكفنيها وتدخل في

الخشبة

حاولت المغسلة لكن مفيش فايدة ربنا عاوزها تجيله كدة

اتصلت بالشيخ فقال لها غسليها وحاولي تكفنيها على حالها

لا حول ولا قوة الا بالله

نزلت البنت في حالة مذرية داخل الكفن , مش عارفين يدخلوها في الخشبة

لا حول ولا قوة الا بالله

منظر مرعب

سوء خاتمة ولعياذ بالله

تخيلو ديه اول ما تدخل قبرها ايه اللي هيحصل لها

طبعا الف بعد الشر عليكم

بس لازم تعرفو ايه العاقبة ؟

شوفتو النهاية ؟

جهنم ولعياذ بالله

عارفين ليه ؟

علشان بارزت ربنا بالمعصية عارفة من امها ان كل ده حرام ومع ذلك عملت ودن من طين وودن من عجين

وقالت انا لسه صغيرة لما ابقى اكبر ابقى ابطل كل ده

هوه انا هموت دلوقتي

وبعدين ربنا ان شاء الله يتوب عليا

يتوب عليكي لما يلاقي في قلبك انكار للمعصية

عاوزة تتوبي بس مش قادرة فيعينك هوه عليها ولا ايه ؟

هااااااااااااااااا

هتعملي ايه؟

قومي يا حبيبتي اتوضي وصلي ركعتين توبي فيها لله

هااااااااااااااااااااااا

وهتعملي ايه تاني

اييييييييييييييييييييوه على الموباييل عدل امسح كل الاغاني يا جميل

هااااااااااااااااااااا

وايه كمان

ايييييييييييييييييوه على التلفزيون امسحي كل قنوات الاغاني والفيديو كليب

ربنا يهديكي يا حبيبتي ويحسن خاتمتك

واثبتي

الشيطان هيحاول معاكي مش هيسيبك اوعي تستسلمي

اوعي تخافي من معوقاته ليكي

هيفضل يقول لك ازاي وازاي وازاي

مش هتقدري ما ينفعش

قوليله غور في داهية ملكش دعوة

واستعيني على التوبة بالصلاة والقران والصدقة

حتى لو جنيه او نص جنيه من مصروفك في اي صندوق امام اي جامع

ربنا يحفظك يا حبيبتي انتي وبنات المسلمي

ويقر عيون اهليك بيكي وتكوني سبب في دخولهم الجنة

في امان الله

لا لا لا

استنو

فين ردودكم الحلوه

في حفظ الله

موضوع: رد: قصه مؤثره الأحد ديسمبر 30, 2012 8:36 am

ربنا يرزقنا حسن الخاتمه انشاء الله

موضوع: رد: قصه مؤثره الثلاثاء يناير 01, 2013 2:29 pm

امين يا رب

موضوع: رد: قصه مؤثره الأحد أكتوبر 13, 2013 5:59 pm

بجد قصة حلوة اوي وانا همسح كل اللاغاني وياريت كل الناس تعرف القصة دي